കരിങ്കോഴിയെ വളർത്തി ലാഭം കൊയ്യാം

കോട്ടയം ജില്ലയിലെ ഉഴവൂരിനടുത്ത് കുറിച്ചിത്താനത്തെ വലിയപറമ്പ് വീട്ടിൽ പ്രദീപ്കുമാറെന്ന കർഷകൻ ർഷകൻ ഒരു ബിസിനസ് മാത്രമല്ല സന്തോഷത്തിനുവേണ്ടി ഒരു ഹോബിയായിട്ടൊക്കെയാണ് കരിങ്കോഴികളെ കൃഷിചെയ്യുന്നത്. വളരെ ഔഷധഗുണമുള്ള കരിങ്കോഴികളുടെ കൃഷിയെക്കുറിച്ചും കൃഷിരീതിയെക്കുറിച്ചുമൊക്കെയാണ് ഇന്ന് നാട്ടുപച്ചയിൽ..

Related News 

കരിങ്കോഴി വാഴുന്ന റബർത്തോട്ടം.

കാശുവാരാൻ കർഷകർക്കിനി കരിങ്കോഴികളും

സന്ദീപ്‌ രാജാക്കാട്‌

രാജാക്കാട്‌: കരിങ്കോഴി കൃഷിയിലൂടെ നേട്ടം കൊയ്ത്‌ യുവ കർഷകൻ ശ്രദ്ധേയനാകുന്നു. മാങ്ങാത്തൊട്ടി കരിയിക്കാട്ടിൽ കെ വി സിജുവാണ്‌ വ്യത്യസ്തമായ കരിങ്കോഴി കൃഷിയിലൂടെ ശ്രദ്ധേയനാകുന്നത്‌. ബ്രോയിലർ കോഴി ഫാം നടത്തിയിരുന്ന സിജു മുമ്പ്‌ മണ്ണൂത്തി വെറ്റനറി കോളേജിൽ നിന്ന്‌ കൗതുകത്തിന്‌ വേണ്ടിയാണ്‌ പതിനഞ്ച്‌ കരിങ്കോഴി കുഞ്ഞുങ്ങളെ വാങ്ങി വളർത്തിയത്‌. എന്നാൽ ഒരു കോഴിയിൽ നിന്ന്‌ ആയിരം രൂപ വരെ വരുമാനം ലഭിച്ചതോടെയാണ്‌ സിജു പിന്നീട്‌ കരിങ്കോഴി കൃഷി വിപുലമാക്കിയത്‌. മാത്രവുമല്ല ബ്രോയിലർ കോഴികൃഷിയിൽ നിന്ന്‌ പ്രതീക്ഷിച്ച ലാഭം ലഭിക്കാതെ വന്നതും കൃഷി വിപുലീകരിക്കാൻ കാരണമായി. ഇതോടെ ബ്രോയിലർ കോഴിഫാമും കരിങ്കോഴി ഫാമായി മാറി.
വീടുകളിലും മറ്റുമായി കരിങ്കോഴികൾ അപൂർവ്വമായി കേരളത്തിലുണ്ടെങ്കിലും, വാണിജ്യാടിസ്ഥാനത്തിൽ വളർത്താൻ വേണ്ട കുഞ്ഞുങ്ങളെ കേരളത്തിൽ ലഭിക്കാത്ത സാഹചര്യമാണ്‌ നിലവിൽ. അതുകൊണ്ട്‌ സെൻട്രൽ പൗൾട്രി ഡവലപ്മെന്റ്‌ ഓർഗനൈസേഷന്റെ ഹാച്ചറിയിൽ നിന്ന്‌ ആവശ്യമുള്ള കുഞ്ഞുങ്ങളെ വിമാന മാർഗം നെടുമ്പാശേരിയിൽ എത്തിച്ചതിന്‌ ശേഷം ഇവിടെ നിന്നും സുരക്ഷിതമായ ചെറിയ വാനിലാണ്‌ വീട്ടിലെ ഫാമിൽ എത്തിക്കുന്നത്‌. ഒരാഴ്ച്ച മാത്രം പ്രായമായ കുഞ്ഞുങ്ങളെയാണ്‌ ഇവിടേയ്ക്ക്‌ കൊണ്ട്‌ വരുന്നത്‌. വിമാന ചിലവും മറ്റ്‌ വാഹന ചിലവും മറ്റുമായി കോഴികുഞ്ഞുങ്ങളെ ഫാമിലെത്തിക്കുമ്പോൾ കുഞ്ഞൊന്നിന്‌ നൂറ്‌ രൂപയാണ്‌ ചിലവ്‌ വരുന്നത്‌ ഒരുമാസം പ്രായമാകുന്നത്‌ മുതൽ വിൽപ്പന ആരംഭിക്കും. മുന്നൂറ്‌ രൂപമുതലാണ്‌ കുഞ്ഞുങ്ങളുടെ വില തുടങ്ങുന്നത്‌. നിലവിൽ രണ്ട്‌ മാസം പ്രായമാകുന്ന കരിങ്കോഴികൾക്ക്‌ വിപണിയിൽ എണ്ണൂറ്‌ മുതൽ ആയിരം രൂപവരെയാണ്‌ വില.
ഒരു തവണ കൊണ്ടുവരുന്ന കോഴികളെ പൂർണ്ണമായി വിറ്റഴിച്ചതിന്‌ ശേഷമാണ്‌ വീണ്ടും കുഞ്ഞുങ്ങളെ ഫാമിലേയ്ക്ക്‌ എത്തിക്കുന്നത്‌. ഒരുതവണ അഞ്ഞൂറ്‌ കുഞ്ഞുങ്ങളെയാണ്‌ കൊണ്ടുവരുന്നത്‌. കക്നാഥ്‌ എന്ന്‌ പേരുള്ള കരിങ്കോഴികൾക്ക്‌ പുറമേ ചെറിയ രീതിയിൽ നാടൻ കോഴികളുടെ ഫാമും സിജുവിനുണ്ട്‌. ഔഷധ ഗുണമുള്ളതാണ്‌ കരിങ്കോഴി ഇറച്ചിക്ക്‌ ഏറെ ആവശ്യക്കാർ ഉണ്ടാകുന്നത്‌. അതുകൊണ്ട്‌ ആയൂർവേദ ചികിത്സയ്ക്ക്‌ ഏറെ പ്രാധാന്യം കൽപ്പിക്കുന്ന കർക്കിടകത്തിൽ കരിങ്കോഴികൾക്ക്‌ ആവശ്യക്കാർ ഏറെയാണ്‌ ഈ മാസത്തിലാണ്‌ കൂടുതൽ കോഴികളെ ഫാമിൽ പരിപാലിക്കുന്നതും. കരിങ്കോഴികളുടെ കറുപ്പ്‌ നിറത്തിന്‌ നിദാനമായ മെലാനിൻ മനുഷ്യ ശരീരത്തിലും നിശ്ചിത തോതിൽ ആവശ്യമാണ്‌. അതുകൊണ്ട്‌ തന്നെ മനുഷ്യ ശരീരത്തിൽ മെലാനിന്റെ കുറവ്‌ മൂലം ഉണ്ടാകുന്ന വെള്ളപ്പാണ്ടകറ്റുന്നതിനും ഔഷധമായി കരിങ്കോഴികളെ ഉപയോഗിക്കപ്പെടുന്നുണ്ട്‌.
യഥാസമയം കോഴികൾക്ക്‌ പ്രതിരോധമരുന്നും കുത്തിവയ്ക്കുന്നുണ്ട്‌. സാധാരണ കോഴിത്തീറ്റമാത്രമാണ്‌ ഇവയ്ക്കും നൽകുന്നത്‌. മറ്റ്‌ കോഴികളെ അപേക്ഷിച്ച്‌ ഇവ പെട്ടെന്ന്‌ ഇണങ്ങുമെന്നാണ്‌ സിജു പറയുന്നത്‌.
എന്നാൽ മറ്റ്‌ കോഴികളെ അപേക്ഷിച്ച്‌ ഇവ മുട്ടയിടുന്നത്‌ വളരെ കുറവാണ്‌. നിലവിൽ കച്ചവടം നടക്കുന്നുണ്ട്‌ എങ്കിലും ഇവയുടെ ഔഷധ ഗുണങ്ങൾക്ക്‌ വേണ്ടത്ര പ്രചാരണം ലഭിക്കാത്തത്‌ മെച്ചപ്പെട്ട വിപണി ലഭിക്കുന്നതിന്‌ തടസ്സമാകുന്നുണ്ട്‌ എന്നാണ്‌ സിജുവിന്റെ അഭിപ്രായം.